Pawan Kalyan :తెలుగు పరిశ్రమలో సూపర్ స్టార్ మహేష్ బాబు అభిమానులు 4కే ప్రింట్ పేరుతో పెద్ద రచ్చే చేశారు. ఇప్పుడు ఇది ఇండస్ట్రీలో ఉన్న స్టార్ హీరోల ఫ్యాన్స్ ని రెచ్చగొట్టేస్తోంది. తాజాగా అంటే ఆగస్టు 9న స్టార్ హీరో మహేష్ బాబు బర్త్ డే సందర్భంగా ఇండస్ట్రీ హిట్ పోకిరి ని 4కే ప్రింట్ లోకి మార్చి రెండు రాష్ట్రాల్లో తో పాటు యూఎస్ లోను భారీ స్థాయిలో రిలీజ్ చేశారు. ఈ సినిమా రిలీజ్ సందర్భంగా సోషల్ మీడియాని మహేష్ ఫ్యాన్స్ ఓ రెంజ్ లో హల్చల్ చేశారు. రెండు తెలుగు రాష్ట్రాల్లో పాపులర్ థియేటర్లలో విడుదలైన ఈ సినిమా కోసం 375 ప్రీమియర్ షో లని ప్లాన్ చేశారట. చెన్నై, బెంగళూరు తో పాటు యూఎస్ లోను భారీ స్థాయిలో విడుదలై రికార్డులను రాబట్టింది. దీని ద్వారా ఏకంగా 1.72 కోట్లు వసూలు చేయడం రికార్డుగా మారింది.
రీ రిలీజ్ లో ఒక సినిమా ఈ స్థాయిలో వసూళ్లని రాబట్టడంతో ఇది పోకిరి రికార్డుగా మారింది. ఈ మూవీ ప్రీమియర్ షోలో ద్వారా వచ్చిన మొత్తాన్ని ఎంబి ఫౌండేషన్ కి తెలుగు ఫిలిం డైరెక్టర్ ట్రస్ట్ కి ఇవ్వబోతున్నారు. ఈ సినిమా సాధించిన వసూళ్లను ప్రదర్శించిన షోలను కూడా ఫ్యాన్స్ ప్రత్యేకంగా చూస్తున్నారు. ఈ రికార్డును మరో హీరో సినిమా కొట్టలేదని మహేష్ ఫ్యాన్స్ సోషల్ మీడియాలో ఛాలెంజ్ చేస్తుండడంతో దీన్ని పవర్ స్టార్ పవన్ కళ్యాణ్ ఫ్యాన్స్ సీరియస్ గా తీసుకున్నారు. సెప్టెంబర్ 2న పవర్ స్టార్ పవన్ కళ్యాణ్ బర్త్డే సందర్భంగా బ్లాక్ బస్టర్ మూవీ జల్సా ప్రీమియర్ల కోసం ప్రయత్నాలు జరుగుతున్నాయి.
Pawan Kalyan : పవన్ కళ్యాణ్ జల్సా 4 కె ప్రింట్ రెడీ చేయడానికి కారణం ఎవరు?
ముందు పోకిరి 4కె ప్రింట్ రాబోతుందని తెలిసి పవన్ ఫ్యాన్స్ గీత ఆర్ట్స్ వర్గాలని జల్సా 4కే ప్రింట్ కోసం రిక్వెస్ట్ చేశారు. అయితే ఒరిజినల్ ప్రింట్ ఎక్కడో మిస్ అయింది అని చెప్పడంతో గందరగోళం నెలకొంది. ఆ తర్వాత ఆ ప్రింటింగ్ వెతికి పెట్టి దాన్ని 4కె మార్చడానికి ఆ వర్క్ ని ఫినిష్ చేయించి అంతా పక్కగా ప్లాన్ చేసి ఫైనల్ గా అనుకున్న సమయానికి ఫ్యాన్స్ కోరిక మేరకు జల్సా 4కే ప్రింటుని సిద్ధం చేయించడంతో ప్రముఖ పాత్రని బన్నీ వాసు పోషించారు. అల్లు అరవింద్ అన్ని విధాలుగా సహాయ సహకారాలు అందించారు. ఈ మూవీ ఫ్రీ రిలీజ్ లో పోకిరిని రికార్డ్స్ ని బద్దలు కొట్టాలని ప్లాన్ చేస్తున్నారట. దీనికోసం గీత ఆర్ట్స్ నుంచే పెద్ద టీం రంగంలోకి దిగినట్టుగా చెబుతున్నారు.ఏకంగా 500 షోలు ప్లాన్ చేస్తున్నారట. దీన్ని బట్టి పోకిరి రికార్డ్స్ స్మాష్ అవడం ఖాయమని పవన్ కళ్యాణ్ ఫ్యాన్స్ అంటున్నారు.
