Health Care : మన జీవితంలో అత్యంత ముఖ్యమైన ఆహారం అన్నం. బియ్యంతో అన్నం కాకుండా వివిధ రకాల వంటకాలను చేసుకొని తింటుంటాం. మన తెలుగు రాష్ట్రాలలో మూడు పూటల అన్నం తినే వారు ఎక్కువగా ఉంటారు. ఏ తిండి తిన్న అన్నం తిన్న సుఖం రాదు అని అంటుంటారు. అయితే అన్నం ఆరోగ్యానికి మంచిది అన్నది ఎంత నిజమో బియ్యం ఎక్కువగా తీసుకోవడం వలన ఆరోగ్యం పాడవుతుంది అన్నది కూడా అంతే నిజం. అన్నం ఎక్కువగా తినడం వలన శరీరంలో కార్బోహైడ్రేట్స్ పెరిగి నీరసం, నిద్రలేమి సమస్యలు వస్తాయని, బరువు కూడా పెరుగుతారని ఆరోగ్య నిపుణులు సూచిస్తున్నారు.
గుండె, మధుమేహం వంటి సమస్యలు ఉన్నవారు అన్నాన్ని ఎక్కువగా తీసుకోకూడదు. అయితే అన్నం తినకుండా నెల రోజులు ఉంటే శరీరం చాలా చురుకుగా ఉంటుందట. అన్నం తినడం వలన బద్ధకం పెరుగుతుంది. తరచుగా నిద్ర వస్తూ ఉంటుంది. దీనివలన పనిపై ఆసక్తి ఉండదు. అయితే అన్నం తినడం మానేస్తే శరీరం మునుపటి కంటే చురుగ్గా ఉంటుంది. సోమరితనం తగ్గుతుంది. నిల్చున్నా, కూర్చున్న నిద్రమత్తు ఉండదు. శరీరం బరువు తగ్గినట్లుగా అనిపిస్తుంది. దీంతో మెదడు మరింత చురుకుగా ఉండటంవల్ల వేగంగా పనిచేస్తారు. ఈ రోజుల్లో చాలామంది అధిక బరువు సమస్యలతో బాధపడుతున్నారు.
అలాంటివారు నెల రోజులు అన్నం తినకుండా దానికి బదులుగా చపాతీ వంటి వాటిని తీసుకోడం వలన ఈజీగా బరువు తగ్గుతారు. బియ్యం వేగంగా క్యాలరీలను పెంచుతుంది. జీవక్రియను నెమ్మది చేస్తుంది. పొట్ట కొవ్వు, ఊబకాయాన్ని పెంచుతుంది. నెలపాటు అన్నం మానేస్తే ఈజీగా బరువు తగ్గుతారు. అలాగే అన్నం ఎక్కువగా తీసుకుంటే శరీరంలో షుగర్ లెవెల్స్ పెరిగి మధుమేహానికి దారితీస్తుంది. థైరాయిడ్, పీసీఓడీ బాధితులు కూడా అన్నాన్ని ఎక్కువగా తీసుకోకూడదు. శరీరంలో చక్కెర స్థాయి నియంత్రించడానికి అన్నం తక్కువగా తినాలి. దీంతో షుగర్ లెవెల్స్ నియంత్రణలో ఉంటాయి. కావున ఆరోగ్య సమస్యలతో బాధపడేవారు అన్నం ఎక్కువగా తీసుకోకూడదు. దానికి బదులుగా ప్రోటీన్ ఉన్న ఆహారం తీసుకోవడం ఉత్తమం.
గమనిక : ఈ కథనాన్ని నిపుణుల అధ్యయనాలు మరియు ఇంటర్నెట్ లో దొరికే సమాచారం ఆధారంగా రూపొందించాం. యువతరం దీనిని ధ్రువీకరించలేదు.
