Viral Video : ట్రెయిన్ జర్నీ అనేది చాలా సులభమైన, అలవాటైన జర్నీ. అందుకే చాలా మంది ప్రయాణాల్లో రైళ్లనే ప్రిఫర్ చేస్తుంటారు. ట్రెయిన్ లో ఉన్నంత సేపు ఎటువంటి సమస్య ఉండదు కానీ.. ట్రెయిన్ జర్నీలో భయంకరమైన విషయం ఏంటంటే.. ట్రెయిన్ కదులుతున్నప్పుడు ఎక్కడం, దిగడం. చాలామంది ట్రెయిన్ బయలుదేరాక.. ఎక్కడానికి ప్రయత్నిస్తారు. లేదా దిగడానికి ప్రయత్నిస్తారు. దాని వల్ల ప్రాణాల మీదికి తెచ్చుకుంటారు.
అలా.. కదులుతున్న రైళ్లు ఎక్కబోయి ఎందరో ప్రాణాలు కోల్పోయారు. చాలామంది గాయాలపాలయ్యారు. ఎక్కడైనా రైల్వే స్టేషన్ లో ట్రెయిన్ ఆగినప్పుడు.. ప్లాట్ ఫామ్ మీద దిగడం, అది కదలడం చూసుకోక తొందరలో ఎక్కుతూ కిందపడటం, లేట్ గా స్టేషన్ కు వచ్చి రైలు బయలుదేరుతుంటే ఆతృతగా ఎక్కడానికి ప్రయత్నించడం.. ఇలా పలు సందర్భాల్లో ప్రయాణికులు రైలు, ప్లాట్ ఫామ్ మధ్య పడిపోయి చిక్కుకుపోతారు. కొందరు పడబోతుండగా అక్కడే ఉండే రైల్వే పోలీసులు కానీ.. లేదా ఎవరైనా ఇతర ప్రయాణికులు కానీ వాళ్లను కాపాడటానికి ప్రయత్నిస్తారు.
Viral Video : వ్యక్తి ప్రాణాలు కాపాడిన రైల్వే పోలీసులకు ప్రశంసలు
కోయంబత్తూరు రైల్వే స్టేషన్ లో ఓ వ్యక్తి రైలు కదులుతుండగా ఎక్కబోయి రైలు, ప్లాట్ ఫామ్ మధ్యలో పడిపోయాడు. వెంటనే స్పందించిన ఆర్పీఎఫ్ పోలీసులు అరుణ్ జిత్, పీపీ మిని ఇద్దరూ ఆ వ్యక్తిని ప్రాణాలకు తెగించి కాపాడారు. రైలు కదులుతుండగానే అతడు ప్లాట్ ఫామ్ మధ్యలో చిక్కుకుపోయాడు. దీంతో అతడిని కాపాడేందుకు తమ ప్రాణాలను సైతం లెక్కచేయలేదు. చివరకు అతడి ప్రాణాలు కాపాడగలిగారు. ఈ ఘటన స్టేషన్ లోని సీసీటీవీ కెమెరాలో రికార్డు అయింది. ప్రాణాలకు తెగించి ప్రయాణికుడిని కాపాడిన పోలీసులను పలువురు ప్రయాణికులతో పాటు రైల్వే అధికారులు, పోలీస్ ఉన్నతాధికారులు ప్రశంసించారు. దానికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
Yet another story of Bravery and Courage !#Everydayheroes RPF ASI Arunjit & Lady HC P.P. Mini in utter disregard to their own safety,went beyond their call of duty to pull out a passenger back to platform when he got stuck in the gap between platform and train at Coimbatore stn. pic.twitter.com/thwVTt01kg
— RPF INDIA (@RPF_INDIA) September 23, 2022
